Депутаттар облыс бюджетіне 28,3 миллиард теңге сомасында нақтылауды қарады.
Осы және басқа да мәселелерді облыстық мәслихаттың депутаттары облыстық мәслихаттың тұрақты комиссияларының бірлескен отырысы барысында талқылады.
Отырыс жұмысына тұрақты комиссиялардың төрағалары, облыстық мәслихат депутаттары, мемлекеттік мекемелердің басшылары қатысты.
Депутаттарды облыс бюджетіне ұсынылатын нақтылаулар туралы хабардар ете отырып, облыстық экономика және бюджеттік жоспарлау басқармасының басшысы Гүлкасима Суентаева бюджетті қайта қарау аясында 28,3 млрд теңге бөлу ұсынылғанын хабарлады.

Осы соманың 2,3 млрд. теңгесін Жұмыспен қамтудың жол картасы аясында 22 жобаны бірлесіп қаржыландыруға, Ақтөбенің инженерлік-коммуникациялық инфра құрылымын дамыту мен орналастыруға, Шилісай тұрғын алабында 600 орындық және Шалқар ауданының Қарашорқат станциясында 120 орындық 2 мектептің құрылысын аяқтауға бөлу ұсынылады.
Сондай-ақ, жол инфрақұрылымын салуға (ауылішілік жолдарды жөндеу, салу және басқалары), білім беру, денсаулық сақтау объектілерін салуға және жөндеуге, қоршаған ортаны қорғау жөніндегі іс-шараларға, бағаны тұрақтандыру тетіктерін іске асыруға, этно-мәдени бірлестіктердің 25 іс-шарасын өткізуге, жастар саясаты саласындағы іс-шараларды іске асыруға қаржы бөлу қажет.

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

Депутаттарға «шаруашылық жүргізу құқығындағы «Ақтөбе медициналық орталығы» мемлекеттік коммуналдық кәсіпорнының балалар стационарының негізгі ғимаратына қосымша корпус салу және пайдалану» жобасы туралы баяндай отырып, денсаулық сақтау басқармасының басшысы Рүстем Исаев осы жобаны іске асыруға көзделген 5 140 964,457 теңге мөлшеріндегі мемлекеттік міндеттемелерді 2025 жылға дейін жылдар бойынша қайта бөлу ұсынылғанын хабарлады.
Отырыс барысында Ақтөбе облысын басқару схемасын, кәмелетке толмағандардың істері және олардың құқықтарын қорғау жөніндегі облыстық комиссияның дербес құрамын бекіту мәселелері қаралды, бұл туралы депутаттарды облыс әкімі аппараты басшысының орынбасары Дәулетияр Тоғызбаев хабардар етті.
Сонымен қатар, депутаттар облыстық мәслихаттың бюджет, өңірлік және салалық даму жөніндегі тұрақты комиссиясының құрамына қатысты мәселені талқылап, тұрақты комиссияның құрамына "Amanat" партиясына жаңа мүше - депутат Бижан Қалмағамбетовты енгізу туралы шешімнің жобасын мақұлдады.
Барлық мәселелерді талқылап, депутаттар тиісті қаулылар қабылдады.

Ақтөбе облыстық мәслихатының
баспасөз қызметі