Баспасөз хабарламасы

0702Облыстық мәслихат депутаттары шалғайдағы ауыл тұрғындарымен жанды қарым-қатынастың жаңа форматын енгізуді жалғастыруда
Жыл басынан бері облыстық мәслихаттың бастамасымен ауыл әкімдерінің, аудандар мен облыс мәслихаттары депутаттарының қатысуымен zoom бейнеконференциялары өтуде. Облыстық мәслихаттың хатшысы Амангелді Нугмановтың, облыстық мәслихат депутаттарының қатысуымен халықпен өзара іс-қимылдың жаңа форматын облыстық мәслихаттың тұрақты комиссияларының төрағалары облыстың аудандарымен және ауылдық округтерімен өткізуде.


31қаңтар -2 ақпан аралығында үш күн бойы Шалқар, Әйтеке би, Байғанин, Алға, Ырғыз аудандарының ауылдық округтерінің әкімдерімен "Нұр Отан" партиясынан облыстық мәслихаттың депутаты, облыстық мәслихаттың бюджет, өңірлік және салалық даму жөніндегі тұрақты комиссиясының төрайымы Сұлупан Шынтасова онлайн режимінде кездесу өткізді. Онлайн кездесуге облыстық мәслихат депутаттары Құдайберген Бекенов, Әсел Зелетдинова, Жұлдыз Қожабекова, Ырғыз аудандық мәслихат хатшысы Нұрлан Қызбергенов, Ырғыз аудандық мәслихат депутаттары мен ауылдық округ әкімдері қатысты.
- Алғашқы бейнеконференциялардың нәтижесі көрсеткендей, бұл өте қажет және, ең бастысы, нақты жұмыс істейтін жаңалық. Нақты нәтижелер беретін осындай кездесулерді жалғастыру қажет, - деп атап өтті облыстық мәслихат хатшысы. - Өңір тұрғындарының проблемаларын шешу "Nur Otan" партиясының сайлауалды өңірлік бағдарламасы тармақтарының бірі ғана емес, әрбір депутаттың міндеті болып табылады. Біздің негізгі міндетіміз – атқарушы органдарға проблемалардың әрқайсысын жеткізу және олардың әрқайсысы өз шешімін табатындай етіп жасау.
Zoom бейнеконференциясына қатысушылар аудандардың, ауылдардың экономикалық, әлеуметтік жағдайы туралы егжей-тегжейлі айтып берді, ауыл тұрғындарын толғандыратын мәселелерді де жасырмады.
Конференция барысында Ырғыз ауданын дамытудың проблемалық мәселелері қаралды. Атап айтқанда, ауылдық округ әкімдері хабарлағандай, ауыл тұрғындарын тұрғын үй, мектептер, кітапханалар, газ құбырлары мен Жолдар салу мәселелері толғандырады, көпшілігі Интернеттің нашарлығына шағымданады.
Ауыл халқының әлеуметтік жағдайы бүгінгі күні басты проблемалардың бірі болып табылады. Қазіргі уақытта ауыл тұрғындары ауылдарды тастап, қалаларға көшіп, сонда қалады.
Онлайн-кездесуге қатысқан облыстық мәслихат депутаттары ауылда агроөнеркәсіп кешенін дамыту қажеттігі туралы ортақ пікірге келді. Егер салауатты өмір сүру үшін жағдай жасалса, қалаға көшу азаяды.
Байғанин ауданының ауылдық округтері әкімдерінің қатысуымен өткен бейнеконференцияға облыстық мәслихат депутаттары Алмагүл Бекенова, Естай Сисенбаев, Байғанин аудандық мәслихатының хатшысы Эрик Көпжасаров қатысты.
Ауылдық округ әкімдері хабарлағандай, бұл жердің де өз проблемалары бар. Бұл тұрғын үй, спорт нысандары, газ, балалар алаңдары, жастар несиелерінің мәселелері, өзен бөгеттері мен тазарту құрылыстарын қалпына келтіру, ауданның ауылдарының бірінде мектептерді, балабақшаларды, мәдениет үйін күрделі жөндеу. Ауданда сумен жабдықтау проблемалары да бар. Ауданда мал қорымдары мен жедел жәрдем машиналары тапшы.
Осы мәселелерді талқылағаннан кейін, атап айтқанда, депутат Естай Сисенбаев проблемалардың бірін (жем-шөптің жетіспеушілігі) шешу үшін егістікке бидай шөптерін себу және қалпына келтіру туралы ұсыныс енгізді.
Алға ауданында бірқатар түйткілді мәселелер көтерілді. Бұл жолдарды күрделі және ағымдағы жөндеу, кіреберіс жолдарды, газ, су, электр қуатын тарту, спорт кешендерін салу, мектептер мен балабақшалар салу, автономды газ қазандықтарын салу, мәдениет үйлерін, жайылымдық жерлерді күрделі жөндеуден өткізу.
Мәселелерді талқылауға қатысқан Алға аудандық мәслихатының депутаты Арман Жылгелді Қарақұдық кентіндегі Мәдениет үйінің күрделі жөндеуін "Ел бесігі" бағдарламасына енгізуді ұсынды.
Сонымен қатар, Алға ауданының тұрғындары интернет, ұялы байланыс (Билайн, Кселл) сапасының нашарлығына қатысты шағымдарын да айта кетті. Конференция қорытындысы бойынша депутаттар көптеген ұсыныстар енгізді.
- ZOOM интернет-платформасындағы бейнеконференциялар өз оң нәтижелерін беруде, - деп бөлісті бейнеконференция модераторы. -Біз едәуір уақытты үнемдей отырып, әр ауылдық округ әкімдерімен, әр аудан депутаттарымен сөйлесе аламыз, екіншіден, облыс аудандарының ауылдық округтері әкімдерінің әрқайсысы ауылдық округ тұрғындарының алдында тұрған проблема туралы егжей-тегжейлі айта алады, ал әріптестерімізбен бірлесе отырып, қандай да бір мәселені шешудің орындылығын талқылай аламыз.

Ақтөбе облыстық мәслихатының баспасөз қызметі