• Ақтөбе облыстық мәслихаты

    Облыстық денсаулық сақтау, дене шынықтыру және спорт, жұмыспен қамтуды үйлестіру және әлеуметтік бағдарламалар басқармаларының басшылары депутаттарға өздерінің үш жылдық шығыстарының жоспарларын ұсынды.

  • Ақтөбе облыстық мәслихаты

    Облыстық басқармалардың басшылары депутаттардың талқылауына 2023-2025 жылдарға жоспарланған шығыстарды ұсынды.

  • Ақтөбе облыстық мәслихаты

    №559 сайлау учаскесінде тіркелген 2 285 ақтөбеліктерден сағат 10 дейін сайлаушылардың үштен бірі өз дауыстарын берді.

  • Ақтөбе облыстық мәслихаты

    Қосымша су мұнарасын, терең су сорғыларын орнату, бау-бақша ұжымының ЖТҚ мәртебесін өзгерту және мектепті кеңейту.

  • Баспасөз хабарламасы

    Облыс әкімі мен облыстық мәслихат хатшысы ақтөбелік қаржыгерлерді кәсіби мерекелерімен құттықтады.

  • Баспасөз хабарламасы

    Облыс депутаттары мен Қоғамдық кеңес мүшелері ҚР Ұлттық банкінің жергілікті филиалының басшысы мен қызметкерлерін валюта Күнімен құттықтады.

  • Баспасөз хабарламасы

    Депутаттар Статистика саласы қызметкерлерін құттықтады.

 

 

 

Мәслихат дегеніміз не?

    Жергілікті өкілді орган (мәслихат) - облыстың, республикалық маңызы бар қаланың және астананың немесе ауданның (облыстық маңызы бар қаланың) халқы сайлайтын, халықтың еркін білдіретін және Қазақстан Республикасының заңнамасына сәйкес оны іске асыру үшін қажетті шараларды айқындайтын және олардың жүзеге асырылуын бақылайтын сайланбалы орган.
    Мәслихаттарды тиiстi әкiмшілiк-аумақтық бөлiнiстiң халқы жалпыға бiрдей, тең, төте сайлау құқығы негiзiнде жасырын дауыс беру арқылы бес жыл мерзiмге сайлайды.
    Қазақстан Республикасының жиырма жасқа толған азаматы мәслихат депутаты болып сайлана алады. Қазақстан Республикасының азаматы бiр мәслихаттың ғана депутаты бола алады.
    Мәслихаттың өкiлеттiгi бiрiншi сессия ашылған кезден басталады және жаңадан сайланған мәслихаттың бiрiншi сессиясының жұмысы басталғанда аяқталады.

Бейне


  • Ақтөбе облыстық мәслихаты


  • Ақтөбе облыстық мәслихаты


  • Ақтөбе облыстық мәслихаты


  • Ақтөбе облыстық мәслихаты


  • Ақтөбе облыстық мәслихаты

Ақтөбе облысының аумағында орналасқан мәслихат депутаттарының назарына

 

2022 жылғы 01 желтоқсан

Қазақстан Республикасы Президентінің 2022 жылғы 8 маусымдағы №912 Жарлығымен бекітілген Облыс аумағында орналасқан мәслихаттар немесе республикалық маңызы бар қалалар және астана мәслихаттары депутаттарының облыс, республикалық маңызы бар қала және астана әкімін лауазымға тағайындауға келісім беруі қағидаларының 5,6-тармақтарына сәйкес Ақтөбе облысы аумағында орналасқан мәслихаттар депутаттарының жиналысы 2022 жылғы 1 желтоқсанында сағат 10:00-де өтетіндігін жеткіземін, мекен-жайы: Ақтөбе қаласы, Аққағаз Досжанова атындағы конференц-холл.

Депутаттар мен шақырылғандарды тіркеу 01 желтоқсанда сағат 08:00-ден 09:00-ге дейін конференц-холл фойесінде жүргізіледі.

Күн тәртібіне енгізілетін мәселе:

Ақтөбе облысының әкімін тағайындауға келісім беру.

Облыстық мәслихаттың хатшысы А. Нугманов

 

Баспасөз хабарламасы

051022Қазақстан мәслихаттары депутаттарының бірлестігі алдағы президент сайлауына Мемлекет басшысының кандидатурасын ұсынды.
Астанадағы Бейбітшілік және келісім сарайында өткен «Қазақстан мәслихаттары депутаттарының бірлестігі» РҚБ Орталық кеңесінің кезектен тыс конференциясында бірлестік мүшелері осындай шешім қабылдады.
Конференцияға Ақтөбе облысы мәслихатының хатшысы Амангелді Нугманов басқаратын делегациямен бірге РҚБ-ның 20 аумақтық филиалының делегаттары да қатысты.
Конференцияның жұмысына Қазақстан Республикасы Парламенті Сенаты мен Мәжілісінің депутаттары да қатысты. Алдағы ҚР Президентінің сайлауында кандидатура ұсыну мәселесін қарастыра отырып, делегаттар Қасым-Жомарт Тоқаевтың кандидатурасына бірауыздан дауыс берді.


Бірлестік төрағасы Төлеубек Мұқашев тұрақсыз геосаяси және экономикалық жағдай кезінде қоғам бірлігі факторы бірінші орынға шығатынын және бірлестік мүшелерінің таңдауы Қасым-Жомарт Тоқаевтың тұрақтылық пен келісімді қамтамасыз етуде, Мемлекеттің үдемелі дамуында ерекше рөл атқаратындығына байланысты екенін атап өтті.
- Біздің таңдауымыздың дәлелді себептері бірқатар даусыз фактілер болып табылады, - деп толықтырды Ақтөбе облысы мәслихатының хатшысы. –Біріншіден, қазіргі Мемлекет басшысы экономиканы көтеру, азаматтарымыздың әл-ауқатын одан әрі арттырудың өзекті міндеттерін шешу бойынша белгіленген бағдарламаларды іске асыру үшін қалай және не істеу керектігін өте жақсы біледі. Екіншіден, біз жүргізіліп жатқан саясаттың сабақтастығын, халық өмірінің жоғары стандарттары бар экономикалық күшті, саяси тұрақты және әлеуметтік жауапты мемлекет құру бойынша жүргізіліп жатқан реформаларды одан әрі жалғастыруды жақтаймыз. Үшіншіден, ел Президентінің кандидатурасын елімізде жүргізіліп жатқан реформалардың әлеуметтік базасын қалыптастыратын қоғамдық-саяси күштердің кең коалициясынан ұсыну дұрыс болады деп ойлаймын, оған қоғамның әртүрлі топтары: депутаттар, жастар және қарапайым адамдар кіретін республикалық қоғамдық бірлестік кіреді. Бұл халықтың объективті, біртұтас дауысы болады.


Естеріңізге сала кетейік, «Қазақстан Республикасындағы сайлау туралы» Қазақстан Республикасы Конституциялық заңының 55-бабына сәйкес Президенттікке кандидатураларды қоғамдық бірлестіктердің атынан олардың жоғары органдары ұсынады. Қоғамдық бірлестіктер осы қоғамдық бірлестікке мүше болып табылмайтын Президенттікке бір ғана кандидат ұсынуға құқылы.
3500-ден астам адам мүше болған «Қазақстан мәслихаттары депутаттарының бірлестігі» РҚБ ұйымы еліміздің барлық мәслихаттарын біріктірді. Бірлестік құрамында ҚР Парламенті Сенаты мен Мәжілісінің депутаттары, 20 облыс пен республикалық маңызы бар қалалардың, 163 аудандық, 36 қалалық мәслихаттың өкілдері, сондай-ақ қоғамдық бірлестіктердің өкілдері мен жастар бар.

Ақтөбе облысы мәслихатының баспасөз қызметі