«Облыстық мәслихаттың 2015 жылғы 27 ақпандағы №278 «Ақтөбе қаласының әлеуметтiк маңызы бар қатынастарының тізбесін айқындау туралы» шешімінің күші жойылды деп тану туралы» облыстық мәслихат шешімінің жобасы Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 6 және 7-баптарына, Қазақстан Республикасының 2016 жылғы 6 сәуірдегі «Құқықтық актілер туралы» Заңының 27-бабына сәйкес, Қазақстан Республикасының қолданыстағы заңнамасының талаптарына сәйкестендіру мақсатында қабылданады.
Облыстық мәслихаттың 2015 жылғы 27 ақпандағы №278 «Ақтөбе қаласының әлеуметтiк маңызы бар қатынастарының тізбесін айқындау туралы» шешімінің (нормативтік құқықтық актілерді мемлекеттік тіркеу тізілімінде №4242 тіркелген, 2015 жылғы 27 наурызда «Ақтөбе» және «Актюбинский вестник» газеттерінде жарияланған) күші жойылды деп танылсын.

2019 жылғы 11 желтоқсанда облыстық мәслихаттың кезекті қырықыншы сессиясының жалпы отырысы №20 Ырғыз сайлау округінен депутат Жеңісгүл Сағидоллақызы МҰХАМБЕТПАИЗОВАНЫҢ төрағалық етуімен өтті.
Сессия жұмысына облыс әкімі Оңдасын Сейілұлы Оразалин қатысты.
Сессияға облыстық мәслихаттың депутаттары, Ақтөбе облысының Қоғамдық кеңесінің мүшелері, облыстық басқармалар мен департаменттердің басшылары, Ақтөбе қаласы мен аудандардың мәслихат хатшылары мен бұқаралық ақпарат құралдарының өкілдері шақырылды.

Облыстық мәслихаттың тұрақты комиссияларының және Қоғамдық Кеңесінің кеңейтілген отырысы өтті. Депутаттар «Облыстық мәслихаттың 2018 жылғы 10 желтоқсандағы №347 «2019-2021 жылдарға арналған облыстық бюджет туралы» шешіміне өзгерістер енгізу туралы» мәселесін қарады. Аталған мәселе бойынша облыстық экономика және бюджеттік жоспарлау басқармасының басшысы Г.Р. Сүйінтаева хабарлама жасады.
Сонымен қатар, комиссия отырысында «Ақтөбе облысының Алға, Ырғыз, Мәртөк, Мұғалжар және Шалқар аудандарының кейбір елді мекендерін тарату туралы» және «Ақтөбе облысының Әйтеке би және Қарғалы аудандарының кейбір елді мекендерін тарату туралы» мәселелері қаралды.

Ақтөбе облыстық мәслихатының депутаттары өңіріміздің мәдени дамуына, қазақ өнерінің өркендеуіне үздіксіз үлес қосқан, тарихы терең, еңбегі ерен, киелі орда Ғ.Жұбанова атындағы Ақтөбе облыстық филармонияны 75 жылдық мерейтойымен құттықтап, мәдениет саласын дамытуға қосқан зор үлесі мен ұлттық өнерді насихаттаудағы шығармашылық жетістіктері үшін ҚР мәдениет саласының үздігі, әнші Нұрқасымова Ж.М., ҚР еңбек сіңірген қайраткері, әнші Әйтімов М.О., қазақ камералық хор ұжымының көркемдік жетекшісі Құспанов М.О., камералық оркестр ұжымының көркемдік жетекшісі Ермекбаев А.А., «Достық сазы» фольклорлық ансамблінің көркемдік жетекшісі Зейнелов Б.Ж. және дәстүрлі әнші Қалуова П.Қ. медальдармен және алғыс хаттармен марапаттады.

Облыстық мәслихаттың бюджет, экономика, өнеркәсіп және кәсіпкерлік жөніндегі тұрақты комиссиясының және Қоғамдық Кеңесінің кеңейтілген отырысы өтті. Депутаттар «Облыстық экономика және бюджеттік жоспарлау басқармасының 2020-2022 жылдарға арналған бюджеттік шығыстарының жобасы туралы», «2020-2022 жылдарға арналған облыстық бюджет туралы», «Облыстық бюджет және Ақтөбе қаласы, аудандар бюджеттері арасындағы 2020-2022 жылдарға арналған жалпы сипаттағы трансферттердің көлемі туралы» мәселелерді қарады. Аталған мәселелер бойынша облыстық экономика және бюджеттік жоспарлау басқармасының басшысы Г.Р. Сүйінтаева хабарлама жасады.

«Ақтөбе қаласының кейбір құрамдас бөліктеріне атаулар беру және қайта атау туралы» мәселе бойынша депутаттардың алдында тілдерді дамыту басқармасының басшысы Г.Т.Төлебаева хабаралама жасады.
«Ақтөбе облысында сыртқы (көрнекі) жарнаманы елді мекендердегі үй-жайлардың шегінен тыс ашық кеңістікте, жалпыға ортақ пайдаланылатын автомобиль жолдарының бөлінген белдеуінде, елді мекендерден тыс жердегі үй-жайлардың шегінен тыс ашық кеңістікте және жалпыға ортақ пайдаланылатын автомобиль жолдарының бөлінген белдеуінен тыс жерде орналастыру Қағидаларын бекіту туралы» мәселе бойынша құрылыс, сәулет және қала құрылысы басқармасының басшысы Н.Ж. Иманалин хабарлама жасады.

Сіздерді Қазақстан Республикасының Тұңғыш Президенті күні -мемлекеттік мерекесімен шын жүректен құттықтаймын!
Бқл мереке Қазақстаннынң тәуелсіз даму жолыңдағы барлық жетістіктерінің айқың айғағы. Тұңғыш Елбасымыз Нұрсұлтан Әбішұлы Назарбаев сындарлы шақта бірлік пен елдікті, татулық пен достықты ту етіп, тәуелсіздікті баянды, егемендікті еңселі ете білді. Қазақстан Республикасының Тұңғыш Президенті - саяси тұрақтылық пен көпұлттық келісімнен құралған жарқын болашағымыздың кепілі.
Осынау мереке күні сіздерге зор денсаулық, отбасыларыңызға амандық, кұт-береке тілеймін!

Игі тілекпен,

Ақтөбе облыстық
мәслихатының хатшысы С.Қалдығұлова

Бүгін облыстық мәслихаттың тұрақты комиссиясының және Ақтөбе облысының Қоғамдық Кеңесінің бірлескен кеңейтілген отырысында «Ақтөбе облысының ауылдық жерлеріне жіберілген медициналық және фармацевтикалық қызметкерлерін әлеуметтік қолдау шараларының жүйесін айқындау туралы», «Облыстық мәслихаттың 2019 жылғы 1 наурыздағы №391 «Ақтөбе қаласында қалалық жедел шұғыл медициналық жәрдем станциясының құрылысы және пайдалану» мемлекеттік-жекешелік әріптестік жобасы бойынша мемлекеттік міндеттеме қабылдау туралы» шешіміне өзгеріс енгізу туралы», «Облыстық мәслихаттың 2018 жылғы 10 шілдедегі №311 «Ақтөбе қаласында теннис корттарын салу және пайдалану» мемлекеттік-жекешелік әріптестік жобасы бойынша мемлекеттік міндеттеме қабылдау туралы» шешіміне өзгеріс енгізу туралы» мәселелер қаралды. Аталған мәселелер бойынша облыстық басқарма басшылары хабарлама жасады.

2020-2022 жылдарға арналған бюджеттік шығыстарының жобасы бойынша Ақтөбе облысының полиция департаменті бастығының орынбасары және жолаушылар көлігі және автомобиль жолдары басқармасының басшысы хабарлама жасады.
Талқылау барысында Жұмыс тобының мүшелері, облыстық мәслихат депутаттары мен Қоғамдық Кеңесінің мүшелері сұрақтар қойып, аталған облыстық басқармаларының 2020-2022 жылдарға арналған бюджеттік шығыстар жобасы бойынша ескертулер айтып, өз ұсыныстарын енгізді.

2020-2022 жылдарға арналған бюджеттік шығыстарының жобасы бойынша облыстық құрылыс, сәулет және қала құрылысы және энергетика және тұрғын үй-коммуналдық шаруашылығы басқарма басшылары хабарлама жасады.
Талқылау барысында Жұмыс тобының мүшелері, облыстық мәслихат депутаттары мен Қоғамдық Кеңесінің мүшелері сұрақтар қойып, аталған облыстық басқармаларының бюджеттік шығыстар жобасы бойынша ескертулер айтып, өз ұсыныстарын енгізді.
Сонымен қатар, облыстық мәслихаттың депутаттық өкілеттік және этика, заңдылық, құқық тәртібі және жұртшылықпен жұмыс жөніндегі тұрақты комиссияларының кеңейтілген отырысы өтті. Депуттар Темір және Мәртөк аудандарының әкімшілік-аумақтық құрылысындағы өзгерістер туралы және «Ақтөбе облысының Құрметті азаматы» атағын беру туралы мәселелерін қарады. Аталған мәселелер облыстық мәслихаттың кезекті сессиясында қаралады.