 |
Құрметті қаржы саласының мамандары!
Сіздерді Қазақстан Республикасының Ұлттық валюта күні мен қаржы саласы мамандарының кәсіби мерекесі күнімен құттықтаймын!
Осыдан 25 жыл бұрын Тәуелсіз Қазақстанның азаматтары алғаш рет жаңа ұлттық валюта – төл теңгені қолына алған еді.
Қазақстан Республикасының қаржылық жүйесі Тәуелсіздік жылдарында құрылғаннан бастап негізгі халықаралық қаржы институттарының мойындауына дейін күрделі жолдан өтті.
Мұның бәріне еліміздің қаржы саласындағы мыңдаған жұмысшылардың еңбегімен қол жеткізілді. Бүгінде қаржыгер дегеніміз – ірі қаржы операциясын заң негізінде жүзеге асыратын заманауи маман.
Сондықтан адалдығымен, жауапкершілігімен, біліктілігімен, бюджеттік және салықтық заңнаманы жетік білетіндігімен ерекшеленетін қазақстандық қаржы жүйесіндегі мамандар еңбегін айтпай кетуге болмайды.
Қазақстанның қаржы саласында қызмет ететін барлық мамандарын бүгінгі мерекемен құттықтай отырып, мықты денсаулық, отбасы амандығы мен рухани байлық тілеймін!
Құрметпен,
Ақтөбе облыстық
мәслихатының хатшысы С.Қалдығұлова
Облыстық мәслихаттың кезектен тыс ХХІV сессиясының баспасөз хабарламасы
2018 жылғы 09 қарашада облыстық мәслихаттың кезектен тыс жиырма төртінші сессиясының жалпы отырысы №19 Байғанин сайлау округінен депутат Әсел Серікқызы Сарманованың төрағалық етуімен өтті.
Сессияға Қоғамдық Кеңестің мүшелері,облыстық басқармалар мен департаменттердің басшылары, аудан және Ақтөбе қалалық мәслихаттарының хатшылары, бұқаралық ақпарат құралдарының өкілдері шақырылды.
Сессия жұмысына облыс әкімінің орынбасары Олжас Мұхтарұлы Смағұлов қатысты.
Облыстық мәслихат депутаттарының, барлық мүдделі тұлғалардың назарына
Облыстық мәслихаттың кезектен тыс жиырма төртінші сессиясы 2018 жылғы 09 қарашада сағат 10.00-де (облыстық мәслихаттың мәжіліс залы, 201 бөлме) өтеді.
Күн тәртібі:
1. №23 Қандыағаш сайлау округі және №29 Хромтау сайлау округі бойынша облыстық мәслихаттың депутаттарын сайлаудың қорытындылары туралы.
Хабарламашы: Г.Н.Күнбаева - облыстық сайлау
комиссиясының төрайымы
2. Облыстық мәслихаттың кейбір шешімдеріне өзгерістер енгізу туралы.
3. «2018-2020 жылдарға арналған облыстық бюджет туралы» облыстық мәслихаттың 2017 жылғы 8 желтоқсандағы №217 шешіміне өзгерістер мен толықтырулар енгізу туралы.
Хабарламашы: Г.Р.Сүйінтаева - экономика және бюджеттік
жоспарлау басқармасының басшысы
4. С.Ш.Орынбаевты Ақтөбе облысы бойынша Тексеру комиссиясының мүшесі етіп тағайындау туралы.
5. М.Т.Райымқұловты Ақтөбе облысы бойынша Тексеру комиссиясының мүшесі етіп тағайындау туралы.
Қажетті ақпаратқа барлығының қол жеткізуі үшін, облыстық мәслихат сессиясының жалпы отырысы 2018 жылғы 09 қарашада сағат 10.00-де мына электронды сілтеме бойынша тікелей трансляцияда көрсетіледі.
Облыстық
мәслихаттың хатшысы С.Қалдығұлова
«2019-2021 жылдарға арналған облыстық бюджет жобасы туралы» мәселені қарау үшін облыстық мәслихаттың Жұмыс тобы мен тұрақты комиссияларының бірлескен отырысы өтті
2018 жылғы 8 қарашада «2019-2021 жылдарға арналған облыстық бюджет жобасы туралы» мәселені қарау үшін облыстық мәслихаттың Жұмыс тобы мен тұрақты комиссияларының бірлескен отырысы өтті.
2019-2021 жылдарға арналған бюджеттік шығындардың жобалары бойынша ақпараттандыру және сыртқы байланыстар, жастар ісі жөніндегі, ішкі саясат, еңбек инспекциясы жөніндегі, тілдерді дамыту жөніндегі, дін істері жөніндегі, дене шынықтыру және спорт, қаржы басқармаларының басшылары, Тексеру комиссиясының төрағасы хабарлама жасады.
Талқылау барысында депутаттар сұрақтар қойып, өздерінің ескертулері мен ұсыныстарын айтты.
Облыстық мәслихаттың хатшысы азаматтарды әлеуметтік мәселелері, дәрілік препараттарды беру және басқа да мәселелер бойынша қабылдады
2018 жылғы 07 қарашада облыстық мәслихаттың хатшысы С.М.Қалдығұлова азаматтарды әлеуметтік мәселелері, дәрілік препараттарды беру және басқа да мәселелер бойынша қабылдады.
Өтініштер бойынша шаралар қабылданып, түсініктемелер берілді.
Баспасөз хабарламасы
2018 жылғы 6 қараша, №1 Жамбыл сайлау округінен депутат Аркадий Юрьевич Нидің төрағалық етуімен, облыстық мәслихаттың бюджет, экономика, өнеркәсіп және кәсіпкерлік жөніндегі тұрақты комиссиясының кеңейтілген отырысы өтті.
Отырысқа тұрақты комиссияның мүшелері, облыстық мәслихаттың депутаттары, облыстық басқармалардың, департаменттердің басшылары шақырылды.
Комиссия отырысына облыстық мәслихаттың хатшысы Сәния Мұсақызы Қалдығұлова қатысты.
Облыстық филармонияның камералық оркестріне 15 жыл
Облыстық мәслихаттың депутаттары Ғ.Жұбанова атындағы облыстық филармонияның қазақ камералық хор оркестрін 15 жылдық мерейтойымен құттықтады. Облыстық мәслихатының хатшысы С.М.Қалдығұлованың атынан Светлана Айтбаева хор ұжымына алғыс хаттар табыс етті.
«ЖАС БАРЫС» атты бірінші облыстық жастар форумы
Бүгін Ақтөбеде «ЖАС БАРЫС» атты бірінші облыстық жастар форумы өткізілді.
Шараға Қазақстан мен Ресейдің жастар ұйымдарының белсенділері, еріктілер, ауыл жастары, колледждер мен университет студенттері, мектеп оқушылары, жастар ісі жөніндегі комитеттердің төрағалары, жас кәсіпкерлер, мүмкіндігі шектеулі жандар, мәдениет және спорт саласындағы мамандар, барлығы 1200-ден астам адам қатысты.
Форумның негізгі мақсаты – Елбасы Жолдауынан туындайтын міндеттерді жастар арасында кеңінен насихаттау. Сондай-ақ жастар бойында патриотизмді қалыптастыру, олардың ізгілікті әрі рухани дамуы, еңбек, білім беру және денсаулық сақтау салаларындағы жастардың әлеуметтік құқықтарын қамтамасыз ету.
Мүмкіндігі шектеулі балаларға арналған қайырымдылық акциясы
«Бақытты бала» жобасы аясында Ақтөбе облыстық мәслихатының депутаттары қайырымдылық акциясын өткізді. Мүмкіндігі шектеулі балалары бар 45 отбасы көкөністермен қамтамасыз етілді.
Көлік, коммуникация және жаңа технология колледжіне 85 жыл
Ақтөбе облыстық мәслихатының депутаттары көлік, коммуникация және жаңа технология колледжінің мұғалімдері мен қызметкерлерін оқу орынның 85 жылдық мерейтойымен құттықтады.
Облыс орталығында 10 мыңнан астам ағаш отырғызылды
Ақтөбеде жалпы қалалық сенбіліктерді өткізу жалғасуда. Қаланың тұрғындары, мемлекеттік қызметшілер, кәсіпорындар мен ұйымдардың қызметкерлері күректерін қолға алып, облыс орталығында 10 мыңнан астам ағаш отырғызды. Көгалдандыру жұмысына облыстық мәслихаттың хатшысы Сәния Мұсақызы Қалдығұлова қатысып, «Достық» саябағында ағаш көшеттерін отырғызды.
№17 ОМГ акт залында Қамқоршылық Кеңес мүшелерінің отырысы өтті
2018 жылдың 27 қазанында №17 ОМГ акт залында Қамқоршылық Кеңес мүшелерінің отырысы өтті.
Жұмыс барысына Ақтөбе облысы мәслихатының хатшысы, Қамқоршылық Кеңестің төрайымы Сәния Мұсақызы Қалдығұлова, №17 ОМГ директоры Амангелді Ибрағимұлы Оңғарбаев, Қамқоршылық Кеңес мүшелері, мұғалімдер және барлық ата-аналар комитетінің төрағалары қатысты.
Күн тәртібіндегі бірінші мәселе Мемлекет басшысының «Қазақстандықтардың әл-ауқатының өсуі: табыс пен тұрмыс сапасын арттыру» халыққа Жолдауын түсіндіру бойынша Ақтөбе облысы мәслихатының хатшысы С.М. Қалдығұлова баяндама жасады.
Халықаралық қарттар және ұрпақтар ынтымақтастығы күнімен және мүгедектер күнімен құттықтау
Ақтөбе облыстық мәслихатының депутаты, «Қазақойл Ақтөбе» ЖШС бас директорының кеңесшісі Сәлім Әмірадинұлы Ізімбетов №25 Жұрын сайлау округіндегі ардагерлер мен мүмкіндігі шектеулі жандарға Халықаралық қарттар және ұрпақтар ынтымақтастығы күніне және мүгедектер күніне орай азық-түлік және көкөніс түрінде көмек көрсетті.
Сонымен қатар, депутат С.Ә.Ізімбетов қолдау көрсету мақсатында компанияның атынан Ақтөбе облыстық мүгедектер қоғамына және Ақтөбе облысының зағиптар қоғамына 5 тонна картоп берді.
Ақтөбе облыстық мәслихатының депутаты Әсел Серікқызы Сарманова Байғанин ауданының елді мекен тұрғындарымен кездесті
Ақтөбе облыстық мәслихатының депутаты Әсел Серікқызы Сарманова Елбасы Н.Ә.Назарбаевтың Қазақстан халқына арналған «Қазақстандықтардың әл-ауқатының өсуі: табыс пен тұрмыс сапасын арттыру» Жолдауын түсіндіру бойынша ақпараттық тобының құрамымен бірге Байғанин ауданының елді мекен тұрғындарымен кездесті.
Кездесу барысында депутат Ә.С.Сарманова Мемлекет басшысының Жолдауындағы еліміздің әлеуметтік-экономикалық дамуына және қазақстандықтардың жағдайын жақсартуға бағытталған басты міндеттер туралы баяндады.
Тұрғындар Елбасының Жолдауына қатысты өз пікірлерін білдіріп, депутатқа сұрақтарын қойды. Кездесуде негізінен әлеуметтік-тұрмыстық тұрғыда мәселелер қозғалды, яғни еңбек ақы, білім, тұрғын үй және т.б.
100 жаңа оқулық
2018 жылғы 12 қазанда Қазақ-Орыс халықаралық уневирситетінде Қазақстан Республикасының Президенті Н.Ә.Назарбаевтың «Болашаққа бағдар: рухани жаңғыру» бағдарламасының «Жаңа гуманитарлық білім.100 жаңа оқулық» жобасының аясында қазақ тіліне аударылған және жарық көрген 18 оқулықты насихаттау бойынша дөңгелек үстел өтті.
Студенттермен өткізілген дөңгелек үстелге Ақтөбе облыстық мәслихатының депутаты Гүлжанат Қойбағарқызы Ерғазина қатысып, Елбасының білім және ғылым саласындағы стратегиялық бағыттарына тоқталып, әлемдегі ең үздік қазақ тіліндегі 100 оқулық жобасының маңыздылығын атап өтті. «Мемлекеттік тілге аударылған оқулықтарды оқыған еліміздің жастары заманауи білімнің толқынына ілесіп, өз елінің мәртебесін асқақтатарына сеніміміз мол» - деді депутат.
Қарттар күнімен құттықтау
Облыстық мәслихаттың депутаты, «Нұр Отан» партиясының Фракция мүшесі Ни Аркадий Юрьевич Халықаралық қарттар күніне орай қайырымдылық акциясын өткізді. Акцияның негізгі мақсаты – қарт адамдарды назардан тыс қалдырмай, олардың мемлекеттің дамуына жан-жақты қосқан үлестері мен еңбектеріне алғыс білдіру белгісі ретінде құрмет көресету. Бұл күні аз қамтылған қарттардың, жалғызбасты зейнеткерлер мен мүгедектердің мүдделері, сондай-ақ оларға материалдық көмек көрсету мәселелері назарға алынды. Депутат өз сайлау округінің тұрғындарын мерекелерімен құттықтап, зор денсаулық тілеп, азық-түлік алуға 54 сертификат табыс етті.
Ардагерлер мерекесі
2018 жылғы 1 қазанда «Анаға тағзым» рухани-өнеге кешенінде «Менің жылдарым - менің байлығым» атты мерекелік шара өткізілді.
Өмірлік жолдары мен кәсіби тәжірибелері мол жандарға ерен еңбектері мен қамқорлықтары үшін шынайы алғыс білдіріліп, құттықтаулар айтылды.
Мереке аясында ардақты ардагерлерді облыстық мәслихаттың хатшысы С.М.Қалдығұлова және Ақтөбе қаласының әкімі І.С.Испанов салтанатты құттықтап, концерттік бағдарлама ұйымдастырылды.
Ардагерлер өз тілектерін айтып, облыс, қала басшылығына және облыстық мәслихат депутаттарына ризашылықтарын білдірді.
Аға ұрпағымыз-ардақты ардагерлеріміздің жүздері жадырап, қуанышқа бөленді.
Облыстық, қалалық және аудандық Қоғамдық Кеңестердің съезі
2018 жылғы 28 қыркүйекте «Капитал-Плаза» орталығының мәжіліс залында облыстық, қалалық және аудандық Қоғамдық Кеңестердің съезі өтті. Ақтөбе облыстық мәслихатының хатшысы С.М.Қалдығұлова алғашқы сөз сөйледі. Съездің мақсаты – тәжірибе алмасу және Қоғамдық Кеңестердің жұмысын жандандыру.
Баспасөз хабарламасы
2018 жылғы 28 қыркүйекте, №22 Мәртөк сайлау округінен депутат Аманкелді Қабашұлы Есіркепов төрағалық етуімен облыстық мәслихаттың әлеуметтік-мәдени даму жөніндегі тұрақты комиссиясының кеңейтілген отырысы өтті.
Отырысқа тұрақты комиссияның мүшелері, облыстық мәслихаттың депутаттары, облыстық басқармалардың, департаменттердің басшылары, облыстық Қоғамдық кеңестің мүшелері, үкіметтік емес ұйымдардың және бұқаралық ақпарат құралдарының өкілдері шақырылды.
Азаматтарды қабылдау
2018 жылғы 27 қыркүйекте облыстық мәслихаттың хатшысы С.М.Қалдығұлова азаматтарды жеке мәселелері бойынша қабылдады.
Өтініштер бойынша шаралар қабылданып, түсініктемелер берілді.
Тағы мақалалар...
- «Анаға тағзым» рухани-адамгершілік тәрбие беру орталығы ашылды
- Қазақстанның атақты әйелдері Ақтөбеде өтіп жатқан Слетке қатысуда
- Баспасөз хабарламасы
- Облыстық мәслихат депутаттарының, барлық мүдделі тұлғалардың назарына
- Баспасөз хабарламасы
- Баспасөз хабарламасы
- «Мектепке жол» республикалық акциясы
- Баспасөз хабарламасы
- «Анаға махаббат» байқауының жеңімпаздармен кездесу
- 11 шағын ауданындабалалар алаңы ашылды
