• 110122

    Облыстық мәслихат депутаттары тұтынушылар құқығын қорғау, жер заңнамасын сақтау және мәдени орталықтардың мәселелерін талқылады

  • 6 сессия

    Облыстық мәслихат депутаттары қаланың кейбір бөліктерін қайта атау, қаланың әлеуметтік маңызы бар автобус маршруттарын субсидиялау, үй жануарларын ұстау және серуендету ережелері және денсаулық сақтау, әлеуметтік қамсыздандыру, білім беру, мәдениет, спорт, ветеринария және орман шаруашылығы мамандарының лауазымдық жалақыларын арттыру мәселелерін қарап, талқылады

  • 231221

    Ақтөбеде жаңа футбол командасы құрылуда, ол екі айдан кейін екінші лига командалары арасында футболдан Қазақстан чемпионатына қатысуды жоспарлап отыр

  • 161221

    Еліміздің тәуелсіздігінің 30 жылдығы шеңберінде, 15 желтоқсанда, Байғанин ауданының тумалары, облыстық мәслихат депутаты, "Bazis Group KZ" ЖШС құрылтайшысы Естай Сисенбаев пен Ақтөбе қалалық мәслихатының хатшысы Анар Даржанова аудан орталығындағы өздері оқыған мектептердің 11 сынып оқушылары арасында математикадан олимпиада ұйымдастырды

  • 131221

    ҚР Президентінің Жарлығына сәйкес Қарғалы және Байғанин аудандарының 100-ден астам тұрғыны Қазақстан Республикасы Тәуелсіздігінің 30 жылдығы мерекесіне орай марапаттарға, мерейтойлық медальдарға ие болды

  • 091221 сессия

    Кезекті сессияда облыстық мәслихат депутаттары облыстық бюджетті бекіту, өңір аумағын дамыту, спорт және денсаулық сақтау саласындағы МЖӘ жобаларын өзгерту, облыстың қалалары мен елді мекендерінің аумақтарын абаттандыру қағидалары, Ақтөбенің субсидиялауға жататын әлеуметтік маңызы бар автомобиль қатынастарының тізбесін қамтитын 29 мәселені қарады

  • 071221

    Депутаттар тиімді коммуникациялардың практикалық дағдыларын дамытуды үйренеді

 

 

 

Мәслихат дегеніміз не?

    Жергілікті өкілді орган (мәслихат) - облыстың, республикалық маңызы бар қаланың және астананың немесе ауданның (облыстық маңызы бар қаланың) халқы сайлайтын, халықтың еркін білдіретін және Қазақстан Республикасының заңнамасына сәйкес оны іске асыру үшін қажетті шараларды айқындайтын және олардың жүзеге асырылуын бақылайтын сайланбалы орган.
    Мәслихаттарды тиiстi әкiмшілiк-аумақтық бөлiнiстiң халқы жалпыға бiрдей, тең, төте сайлау құқығы негiзiнде жасырын дауыс беру арқылы бес жыл мерзiмге сайлайды.
    Қазақстан Республикасының жиырма жасқа толған азаматы мәслихат депутаты болып сайлана алады. Қазақстан Республикасының азаматы бiр мәслихаттың ғана депутаты бола алады.
    Мәслихаттың өкiлеттiгi бiрiншi сессия ашылған кезден басталады және жаңадан сайланған мәслихаттың бiрiншi сессиясының жұмысы басталғанда аяқталады.

Бейне


  • Ақтөбе облыстық мәслихаты


  • Ақтөбе облыстық мәслихаты.


  • Ақтөбе облыстық мәслихаты.

Ақтөбе облысының Қоғамдық кеңесінің мүшелігіне конкурс өткізу туралы хабарлама

Ақтөбе облыстық мәслихаты хатшысының 2021 жылғы 31 желтоқсандағы №132 өкімімен бекітілген, Ақтөбе облысының Қоғамдық кеңесін қалыптастыру жөніндегі Жұмыс тобы, Ақтөбе облысының Қоғамдық кеңесінің құрамына конкурстық іріктеуден өтуге ниет білдіруші, коммерциялық емес ұйымдардың өкілдері және азаматтардың арасында конкурс өткізілетіндігі туралы хабарлайды.
Атауы: Ақтөбе облысының Қоғамдық кеңесі;
Пошталық мекен-жайы: 030000, Ақтөбе облысы, Ақтөбе қаласы, Әбілқайыр хан даңғылы 40, 204 бөлме,
Электронды пошта мекен жайы: maslixat@mail.ru
Анықтамалар үшін телефондар: 56-37-13 және 56-44-75.
Құжаттарды тапсыру мерзімі: 2022 жылғы «26» қаңтар - «08» ақпан аралығында.
Қоғамдық кеңес мүшелігіне кандидаттарға қойылатын талаптар: Қазақстан Республикасының он сегіз жасқа толған, Ақтөбе облысының шегінде тұратын азаматы Қоғамдық кеңес мүшелігіне кандидат бола алады.
«Қоғамдық кеңестер туралы» ҚР Заңының (бұдан әрі - Заң) 10-бабының 1-тармағына сәйкес, Қоғамдық кеңес мүшелігіне кандидаттың:
1) Қазақстан Республикасының заңнамасында белгіленген тәртіппен өтелмеген немесе алынбаған соттылығы болмауға тиіс;
2) сот заңда белгіленген тәртіппен сыбайлас жемқорлық қылмыс және (немесе) сыбайлас жемқорлық құқық бұзушылық жасауда кінәлі деп танылған болмауы;
3) психикалық, мінез-құлықтық бұзылуларға (ауруларға) байланысты, оның ішінде психикаға белсенді әсер ететін заттарды қолдануға байланысты психикалық денсаулық саласында медициналық көмек көрсететін ұйымдарда есепте тұрмауы тиіс.
Заңның 10-бабының 2-тармағына сәйкес конкурсқа қатысу үшін мынадай құжаттар ұсынылады:
1) кандидатураны Қоғамдық кеңестің құрамына ұсыну туралы Коммерциялық емес ұйымның жазбаша ұсынысы және (немесе) азаматтың өтініші;
2) кандидаттың өмірбаян деректерін көрсете отырып, кәсіптік және (немесе) қоғамдық қызметі туралы мәліметтер;
3) соттылықтың болуы немесе болмауы туралы анықтама;
4) психикалық, мінез-құлықтық бұзылулардың (аурулардың), оның ішінде психикаға белсенді әсер ететін заттарды қолдануға байланысты бұзылулардың болуы немесе болмауы туралы анықтама.
Қоғамдық кеңес мүшелігіне кандидат Заңның 10-бабының 2-тармағының 3) және 4) тармақшаларында көзделген анықтамаларды дербес немесе мемлекеттік органның ақпараттық жүйелерден көрсетілген анықтамаларды талап етуіне жазбаша келісім арқылы ұсынады.
Кандидаттар мынадай жағдайлардың бірі болған жағдайда сайлау үшін конкурсқа жіберілмейді:
1) Заңның 10-бабының 1-тармағында белгіленген талаптарға сәйкес келмеген жағдайда;
2) Заңның 10-бабының 2-тармағында көрсетілген құжаттарды және (немесе) мәліметтерді ұсынбаған жағдайда;
3) анық емес ақпаратты қамтитын құжаттар және (немесе) мәліметтер ұсынылған жағдайларда.
Сонымен бірге, «Қоғамдық кеңестер туралы» Қазақстан Республикасы Заңының 9-бабының 4-тармағына сәйкес коммерциялық емес ұйым болып табылатын бір заңды тұлғадан Қоғамдық кеңеске бір ғана өкіл сайлана алатынын Сіздердің назарларыңызға жеткіземіз.
Қоғамдық кеңестің сандық құрамы - 30 мүшеден тұрады, оның 5-еуі мемлекеттік органдардан және 25-і коммерциялық емес ұйымдар мен азаматтардан құралады.
Коммерциялық емес ұйымдардан және азаматтардан ұсыныстар жазбаша түрде мына мекен-жай бойынша қабылданады: Ақтөбе қаласы, Әбілқайыр хан даңғылы 40, 204 бөлме, сағат 09.00-ден 18.00 дейін, үзіліс сағат 13.00-ден 14.00-ге дейін, белгіленген мерзімде мемлекеттік және/немесе орыс тілдерінде, қағаз және электронды түрде.

 

 

Баспасөз хабарламасы

6sessionОблыстық мәслихат депутаттары қаланың кейбір бөліктерін қайта атау, қаланың әлеуметтік маңызы бар автобус маршруттарын субсидиялау, үй жануарларын ұстау және серуендету ережелері және денсаулық сақтау, әлеуметтік қамсыздандыру, білім беру, мәдениет, спорт, ветеринария және орман шаруашылығы мамандарының лауазымдық жалақыларын арттыру мәселелерін қарап, талқылады.
Бұл мәселелер 2021 жылдың 9 желтоқсанында облыстық мәслихаттың кезекті алтыншы сессиясының ашылуында күн тәртібіне енгізілді. 2021 жылғы 24 Желтоқсанда сессия жұмысы он бес күндік үзілістен кейін жалғастырылды.

Облыстық мәслихаттың хатшысы Амангелді Нугмановтың төрағалығымен өткен отырысқа облыстық мәслихаттың депутаттары, Ақтөбе қаласының әкімі, облыстық басқармалардың басшылары қатысты. Басты мәселелердің бірі қаланың әлеуметтік маңызы бар автомобиль қатынастарын субсидиялау мәселесі болды.
Депутаттарға қалада 3 жеке меншік - "Автопарк" ЖШС (369 автобус), "QalaTrans" ЖШС (32 автобус, ағымдағы жылдың соңына дейін автобустар саны 150-ге артады) және 1 коммуналдық "Ақтөбе қаласының жолаушылар автокөлік кәсіпорны" ЖШС (196 автобус) жұмыс істейтінін баяндап, Ақтөбе қаласының әкімі Асхат Шахаров бұл кәсіпорындармен 53 автобус маршруты ұйымдастырылғанын, оның ішінде 38 қала бойынша, 15 қала маңындағы тұрғын үй алаптары бойынша ұйымдастырылғанын хабарлады.
- Бүгінде қоғамдық көлікте жол жүру тарифі 2018 жылғы 28 қыркүйекте енгізілген 80 теңгені құрайды, олар тасымалдаушылардың шығындарын өтемейді, ал келтірілген шығындарды субсидиялау ағымдағы жылдың қазан айынан бастап жүргізіледі, - деп түсіндірді Асхат Шахаров. - Қазіргі уақытта жолаушылар тасымалы саласы жүйелі проблемаларды шешуді қажет етеді, олардың себептері отынға, ЖЖМ-ге, қосалқы бөлшектерге бөлшек сауда бағасының қымбаттауынан туындаған тасымалдардың шығындылығы болып табылады.

Бүл мәселені талқылау барысында депутаттар баяндамашыға сұрақтар қойды. Облыстық мәслихат хатшысы Амангелді Нугманов депутаттардың басты міндеті "Nur Otan" партиясының сайлауалды уәделерін іске асыруға мониторинг жүргізу және бақылау екенін атап өтіп, азаматтар үшін қажетті жағдай жасау, оның ішінде оларды қолжетімді, жайлы қоғамдық көлікпен қамтамасыз ету партияның сайлауалды бағдарламасына енген міндеттердің қатарына кіретінін атап өтті.
- Автобустар қозғалысын тоқтатқандықтан, ақтөбеліктер кешкі сағат 18-19 - дан кейін үйлеріне жете алмайтындығына шағымданады- деді Амангелді Нугманов. - Субсидиялау бойынша шешім қабылдамас бұрын, барлық кемшіліктерді шешіп, автобустар бағыттар бойынша үздіксіз және халық тарапынан ескертусіз жүретініне берік кепілдік беру қажет.

Депутаттарға облыстық ветеринария басқармасының басшысы Құсайын Сәрсембай, депутат Евгений Лазарчук хабарлағанындай, иттер мен мысықтарды асырау және серуендету, қаңғыбас иттер мен мысықтарды аулау және жою Қағидалары туралы мәселені талқылау барысында қаңғыбас жануарларды жою туралы шешім қабылдайтын комиссияны қандай орган бекітеді және оның құрамына еріктілер кіре ме деген мәселені көтерді.
- Уақытша ұстау изоляторында қаңғыбас жануарларды ұстауды қаржыландырумен кім айналысады? - "NurOtan" партиясынан облыстық мәслихаттың депутаты Евгений Лазарчук сұрақ қойды. Ветеринария басқармасының басшысы Құсайын Сәрсембай барлық сұрақтарға толық жауап берді. Сонымен қатар, сессияда депутаттар Ақтөбе қаласының кейбір құрамдас бөліктеріне атау беру және қайта атау туралы мәселелерді қарады. Бұл туралы тілдерді дамыту басқармасының басшысы Медет Ысқақов мәлімдеді. Облыстық экономика және бюджеттік жоспарлау басқармасының басшысы Гүлқасима Суентаева азаматтық қызметшілер болып табылатын және ауылдық жерде жұмыс істейтін денсаулық сақтау, әлеуметтік қамсыздандыру, білім беру, мәдениет, спорт, ветеринария және орман шаруашылығы саласындағы мамандарға жиырма бес пайызға жоғарылатылған лауазымдық жалақылар мен тарифтік мөлшерлемелерді белгілеу туралы мәселені ұсынды.
Депутаттар барлық қаралған мәселелер бойынша тиісті шешімдер қабылдады, осымен облыстық мәслихаттың алтыншы сессиясының жұмысы аяқталды.

Ақтөбе облыстық мәслихатының баспасөз қызметі