• 220921

    Депутаттар экология, жер қойнауын пайдаланушылардың қызметі мәселелерін талқылап, облыс аумағын дамыту бағдарламасын іске асыру туралы есепті тыңдады

  • 200921

    Облыстық мәслихат депутаттары жасыл желектер, жергілікті автожолдардың жағдайы мен қоқыс полигондарының мәселелерін талқылады

  • 100921-2

    Облыстық мәслихат депутаттары квазимемлекеттік сектордың тиімділігі, инвестициялық жобалар мен аумақтарды дамыту бағдарламаларын іске асыру мәселелерін талқылады

  • 100921-1

    Депутаттар қалалық автобус маршруттарын субсидиялау мәселесін талқылап, шешім қабылдады

  • 18082021

    Депутаттар Ақтөбелік телекөрермендерге облыс әкімінің есебі қаралған облыстық мәслихат сессиясының қорытындысы туралы айтып, өңір тұрғындарының сұрақтарына жауап берді

  • 11082021kaz

    Облыстық мәслихат депутаттары облыстық мәслихаттың төртінші сессиясының кезекті пленарлық отырысында он жеті мәселені қарады.

  • 060821 kaz

    Облыстық мәслихат депутаттары мысықтар мен иттерді серуендету ережелері мен көші-қон процестерін реттеу ережелеріндегі өзгерістер мәселелерін қарады


 

 

 

Мәслихат дегеніміз не?

    Жергілікті өкілді орган (мәслихат) - облыстың, республикалық маңызы бар қаланың және астананың немесе ауданның (облыстық маңызы бар қаланың) халқы сайлайтын, халықтың еркін білдіретін және Қазақстан Республикасының заңнамасына сәйкес оны іске асыру үшін қажетті шараларды айқындайтын және олардың жүзеге асырылуын бақылайтын сайланбалы орган.
    Мәслихаттарды тиiстi әкiмшілiк-аумақтық бөлiнiстiң халқы жалпыға бiрдей, тең, төте сайлау құқығы негiзiнде жасырын дауыс беру арқылы бес жыл мерзiмге сайлайды.
    Қазақстан Республикасының жиырма жасқа толған азаматы мәслихат депутаты болып сайлана алады. Қазақстан Республикасының азаматы бiр мәслихаттың ғана депутаты бола алады.
    Мәслихаттың өкiлеттiгi бiрiншi сессия ашылған кезден басталады және жаңадан сайланған мәслихаттың бiрiншi сессиясының жұмысы басталғанда аяқталады.

Бейне


  • Ақтөбе облыстық мәслихаты


  • Ақтөбе облыстық мәслихаты.


  • Ақтөбе облыстық мәслихаты.

Облыстық сайлау комиссиясының шығып қалған мүшелерінің орнына сайлау туралы Ақтөбе облыстық мәслихатының хабарламасы

«Қазақстан Республикасындағы сайлау туралы» Қазақстан Республикасы Конституциялық заңының (бұдан әрі – Сайлау туралы Конституциялық заң) 10-бабына сәйкес Ақтөбе облыстық мәслихаты облыстық аумақтық сайлау комиссиясының шығып қалған мүшелерінің орнына екі мүшесінің сайланатындығы туралы хабарлайды.

Саяси партиялар, өзге де қоғамдық бірлестіктер, олардың құрылымдық бөлімшелері 2021 жылғы 16 – 30 қыркүйек аралығында облыстық мәслихатқа келесі құжаттарды тапсырады:
1) облыстық сайлау комиссиясының құрамына кандидаттарды ұсыну туралы саяси партия, өзге де қоғамдық бірлестік органы, олардың құрылымдық бөлімшелері отырысының хаттамасынан үзінді көшірме;
2) саяси партияны, өзге де қоғамдық бірлестікті, олардың құрылымдық бөлімшелерін әділет органдарында тіркеу туралы құжаттың көшірмесі;
3) облыстық мәслихатқа кандидаттың белгіленген нысан бойынша сайлау комиссиясының жұмысына қатысуға келісімі туралы өтініші (өтініш нысанын мәслихаттан алуға болады).
Облыстық сайлау комиссиясының құрамына ұсынылатын тұлға Сайлау туралы Конституциялық заңның талаптарына сәйкес келуге тиіс.
Сайлау комиссиясының мүшесі тиісті комиссия орналасқан әкімшілік-аумақтық бірліктің аумағында тұруға тиіс.
Мәслихатқа қағаз форматта ұсынылатын барлық құжаттарға қол қойылуы, мөр басылуы және орындалған күні, орындаушының тегі, аты-жөні және оның телефон нөмірі көрсетілген орындаушы туралы белгіні қамтуы тиіс.
Сайлау комиссиясының құрамы бойынша ұсыныстарды қабылдау 2021 жылғы 30 қыркүйекке дейін жүзеге асырылады.
Облыстық мәслихаттан құжаттарды қабылдау бойынша жауапты тұлға – Шыңғыс Сейдахметұлы Нұржігіт, каб. №206, қалааралық телефон коды (87132), қызметтік 56-37-13, ұялы 8778-805-17-17, факс 54-34-75, электрондық почта мекен-жайы maslixat@mail.ru

Баспасөз хабарламасы

180821kazДепутаттар Ақтөбелік телекөрермендерге облыс әкімінің есебі қаралған облыстық мәслихат сессиясының қорытындысы туралы айтып, өңір тұрғындарының сұрақтарына жауап берді.
Ақтөбеліктермен "РИКА" және "Aqtobe" арналарында өткен Тікелей эфир барысында облыстық мәслихат хатшысы Амангелді Нугманов, депутаттар Қайрат Сабыр, Әсел Шункеева диалог түрінде тікелей эфир барысында сөйлесті.
Облыста жыл басынан бері экономикалық өсу қарқынының кезең-кезеңмен қалпына келуі байқалатынын айта келе, Амангелді Нугманов екінші жартыжылдықта атқарушы органдар мен депутаттық корпустың назары әлеуметтік маңызы бар азық-түлік тауарларының бағасын ұстап тұру жөніндегі шараларды іске асыруға бағытталатынын айтты.


- Облыс әкімі өзінің есептік баяндамасында сыртқы және ішкі инвестициялар ағынын ұлғайту, өңдеуші сектордың өсуі мен дамуы есебінен экономика құрылымын одан әрі әртараптандыруға баса назар аудару қажеттігін атап өтті, - деп ол телекөрермендердің назарын аударды.
Тікелей эфир қонақтары өткен жылдың жарты жылында облыстық мәслихат депутаттарының қандай жұмыс атқарғаны туралы жан-жақты айтып берді.
Тікелей эфир барысында телекөрермендер депутаттардың құқықтары мен міндеттеріне қатысты сұрақтар қойып, мәслихат депутаттарының қызметі қандай өлшемдер бойынша бағаланатынын түсіндіруді сұрады. Оларға Амангелді Нугманов толық жауап берді. Депутат Қайрат Сабыр сұрақтардың біріне жауап бере отырып, коронавирустық инфекциямен күресу үшін бюджеттен қандай қаражат бөлінетінін және облыста қандай жұмыс жүргізіліп жатқанын егжей-тегжейлі айтып берді. Сонымен қатар, депутат Әсел Шункеева біздің өңірде шағын және орта бизнесті дамыту үшін қандай жұмыстар жүргізіліп жатқанын айтып берді.

Ақтөбе облыстық мәслихатының баспасөз қызметі