• 46 сессия

    2020 жылғы 15 қазанда облыстық мәслихаттың кезектен тыс қырық алтыншы сессиясының жалпы отырысы өтті

  • 091020

    2020 жылғы 8 қазанда облыстық мәслихаттың бюджет, экономика, өнеркәсіп және кәсіпкерлік жөніндегі тұрақты комиссиясының кеңейтілген отырысы өтті

  • 140920

    2020 жылғы 11 қыркүйекте облыстық мәслихаттың депутаттық өкілеттіктер мен этика, заңдылық, құқық тәртібі мәселелері және жұртшылықпен жұмыс жөніндегі тұрақты комиссиясының кеңейтілген отырысы өтті

  • 030920

    02.09.2020 жылы облыстық мәслихат хатшысы С. М. Қалдығұлованың басшылығымен фермерлік шаруашылықтар мәселесі бойынша кезекті кездесу өтті

  • 260820

    2020 жылғы 26 тамызда облыстық мәслихаттың құрылыс, көлік, сауда және тұрғын үй-коммуналдық шаруашылық мәселелері жөніндегі тұрақты комиссиясының кеңейтілген отырысы өтті

  • 210820

    20 тамызда құрылыс, көлік, сауда, тұрғын үй-коммуналдық шаруашылығы және цифрландыру мәселелері жөніндегі тұрақты комиссияның кеңейтілген отырысы өтті


Мәслихат дегеніміз не?

    Жергілікті өкілді орган (мәслихат) - облыстың, республикалық маңызы бар қаланың және астананың немесе ауданның (облыстық маңызы бар қаланың) халқы сайлайтын, халықтың еркін білдіретін және Қазақстан Республикасының заңнамасына сәйкес оны іске асыру үшін қажетті шараларды айқындайтын және олардың жүзеге асырылуын бақылайтын сайланбалы орган.
    Мәслихаттарды тиiстi әкiмшілiк-аумақтық бөлiнiстiң халқы жалпыға бiрдей, тең, төте сайлау құқығы негiзiнде жасырын дауыс беру арқылы бес жыл мерзiмге сайлайды.
    Қазақстан Республикасының жиырма жасқа толған азаматы мәслихат депутаты болып сайлана алады. Қазақстан Республикасының азаматы бiр мәслихаттың ғана депутаты бола алады.
    Мәслихаттың өкiлеттiгi бiрiншi сессия ашылған кезден басталады және жаңадан сайланған мәслихаттың бiрiншi сессиясының жұмысы басталғанда аяқталады.

Іс-шаралар


Халықаралық қарттар және ұрпақтар ынтымақтастығы күні

Облыстық мәслихат депутаттарының, барлық мүдделі тұлғалардың назарына

 

Облыстық мәслихаттың кезектен тыс қырық алтыншы сессиясы 2020 жылғы 15 қазанда сағат 11.00-де (облыстық мәслихаттың мәжіліс залы, 201 бөлме) өтеді.

Күн тәртібі:

1. Облыстық мәслихаттың 2019 жылғы 11 желтоқсандағы №473 «2020-2022 жылдарға арналған облыстық бюджет туралы» шешіміне өзгерістер мен толықтырулар енгізу туралы.
2. Облыстық мәслихаттың 2015 жылғы 11 желтоқсандағы №361 «Ақтөбе облысының 2016-2020 жылдарға арналған аумақты дамыту Бағдарламасы туралы» шешіміне өзгеріс енгізу туралы.

Хабарламашы: Г.Р.Сүйінтаева - экономика және бюджеттік жоспарлау басқармасының басшысы

3. «Шаруашылық жүргізу құқығындағы «Ақтөбе медициналық орталығы» мемлекеттік коммуналдық кәсіпорнының балалар стационарының негізгі ғимаратына қосымша корпус салу және пайдалану» мемлекеттік-жекешелік әріптестік жобасы бойынша мемлекеттік міндеттемелер қабылдау туралы.

Хабарламашы: А.Х.Дүйсенбаева – денсаулық сақтау басқармасы басшысының міндетін атқарушы

4. Басқа сұрақтар.

Қажетті ақпаратқа барлығының қол жеткізуі үшін, облыстық мәслихат сессиясының жалпы отырысы 2020 жылғы 15 қазанда сағат 11.00-де тікелей трансляцияда көрсетіледі.

 

 

Облыстық мәслихаттың хатшысы

С.Қалдығұлова

 

Облыстық мәслихаттың кезектен тыс ХХХХVI сессиясының баспасөз-хабарламасы

46session-kaz2020 жылғы 15 қазанда облыстық мәслихаттың кезектен тыс қырық алтыншы сессиясының жалпы отырысы №10 Абай сайлау округінен депутат Айтжанов Асхат Абдрахманұлының төрағалық етуімен өтті.
Сессия жұмысына облыс әкімі Оңдасын Сейілұлы Оразалин қатысты.
Облыстық мәслихаттың сессиясына Ақтөбе облысының Қоғамдық кеңесінің мүшелері, облыстық басқармалар мен департаменттердің басшылары, аудандардың мәслихат хатшылары мен бұқаралық ақпарат құралдарының өкілдері шақырылды.


Күн тәртібіндегі бірінші мәселе бойынша «Облыстық мәслихаттың 2019 жылғы 11 желтоқсандағы №473 «2020-2022 жылдарға арналған облыстық бюджет туралы» шешіміне өзгерістер мен толықтырулар енгізу туралы» облыстық экономика және бюджеттік жоспарлау басқармасының басшысы Г.Р.Сүйінтаева хабарлама жасады. Облыстық бюджеттің нақтылануына ұсынылған шығындар тізімін ұсынды. Нақтылау негізінен мемлекеттік сатып алулардан үнемделген, бірқатар шаралардан бас тарту және бюджеттік бағдарламалар әкімшілерінің шығыстарын азайту есебінен жүргізіледі. Бюджетті нақтылауда 6,4 млрд. теңге қарастырылған.
Ауыл шаруашылығы басқармасына 2,6 млрд.теңге: соның ішінде 2,4 млрд. теңге - асыл тұқымды мал шаруашылығын дамытуды субсидиялау; 217,7 млн. теңге қайта өңдеу кәсіпорындарының ауыл шаруашылығы өнімдерін сатып алу шығындарын субсидиялауға.
Білім басқармасына 925 654 млн. теңге: соның ішінде кезекші сынып мұғалімдеріне ақы төлеуге-924,0 млн.теңге.
Құрылыс, сәулет және қала құрылысы басқармасына 738 095 млн.теңге: соның ішінде Ақтөбе қаласында халықтың әлеуметтік осал топтары және (немесе) аз қамтылған көп балалы отбасылар үшін коммуналдық тұрғын үй қорынаң тұрғын үйін сатып алуға 400,000 млн. теңге. «Рауан» тұрғын үй алабын газбен жабдықтау желілерінің құрылысына 105,7 млн.теңге. Ақтөбе қаласының Жаңақоныс кентінде 70 пәтерден тұратын жеке екі бөлек блоктан тұратын 140 пәтерлі жатақхана құрылысына 100,0 млн. теңге.
Ақпараттандыру және сыртқы байланыстар басқармасына 891 134 млн.теңге: оның ішінде ақпараттық және бағдарламалық бөлікті қоса алғанда, ахуалдық орталықтың бағдарламалық-аппараттық кешенін енгізу 860,0 млн. теңге.
Энергетика және тұрғын үй-коммуналдық шаруашылық басқармасына 368 879 млн.теңге: соның ішінде Темір ауданы Ақсай ауылына апаратын газ құбырының құрылысына 292,4 млн.теңге.
Денсаулық сақтау басқармасына 307 358 млн.теңге: соның ішінде «ШЖҚ» Ақтөбе медициналық орталығы МКК балалар стационарының негізгі ғимаратына қосымша корпус салу және пайдалану» МЖӘ жобасы бойынша мемлекеттік міндеттемелерді орындауға 250,5 млн. теңге.
Табиғи ресурстар және табиғат пайдалануды реттеу басқармасына 217 763 млн теңге: соның ішінде ведомствоға бағыныстағы мемлекеттік мекемелердің күрделі шығыстары.
Ветеринария басқармасына 120 000 млн.теңге: соның ішінде эпизоотияға қарсы іс-шараларды жүргізуге 88,4 млн.теңге. және басқа шығындар. Депутаттар сұрақтар қойып, жауаптар алды. Облыстық бюджетті нақтылау экономика және бюджеттік жоспарлау басқармасының сайтында жарияланды.

Екінші мәселе бойынша «Облыстық мәслихаттың 2015 жылғы 11 желтоқсандағы №361 «Ақтөбе облысының 2016-2020 жылдарға арналған аумақты дамыту Бағдарламасы туралы» шешіміне өзгеріс енгізу туралы» облыстық экономика және бюджеттік жоспарлау басқармасының басшысы Г.Р.Сүйінтаева хабарлама жасады.
Депутаттарға қарауға ұсынылған жобалар бойынша 21 индикатор бойынша жоспарлы мәндерге өзгерістер енгізіледі. Бұл ретте, барлық өзгерістер ҚР Ұлттық экономика министрлігімен және салалық орталық мемлекеттік органдармен келісілді.
АДБ-ны түзету бірінші кезекте коронавирустық инфекция пандемиясының әлемдік экономикаға теріс салдарларына, республикалық бюджет шығыстары бағыттарының елеулі өзгерістеріне, сондай-ақ 2019 жылғы әкімдіктің қызметін бағалау қорытындылары бойынша ҚР ҰЭМ ұсынымдарына негізделген.
Сессияда депутаттар облыстық мәслихаттың 2019 жылғы 2 тамыздағы №455 «Ақтөбе облысы бойынша тұрғын үй сертификаттарының мөлшері мен оларды алушылар санаттарының тізбесін айқындау туралы» шешіміне өзгеріс енгізу туралы» мәселені қарады, ол бойынша энергетика және тұрғын үй-коммуналдық шаруашылық басқармасының басшысы А.М.Қайыр хабарлама жасады, ұсынылған өзгерістермен тұрғын үй сертификатын беру көзделгенін атап өтті – тұрғын үйді сатып алу кезінде ипотекалық тұрғын үй қарыздары бойынша бастапқы жарнаның бір бөлігін жабу үшін Қазақстан Республикасының азаматтарына берілетін жергілікті атқарушы органның ақшалай міндеттемесінің нысандары.
Тұрғын үй сертификаттарының мөлшері:
1) Қазақстан Республикасының Үкіметі бекіткен мемлекеттік тұрғын үй құрылысы бағдарламасы шеңберінде ипотекалық тұрғын үй қарыздарын пайдалана отырып, азаматтардың тұрғын үйді меншігіне алу үшін (қайтарымсыз және қайтарылмайтын негізде) әлеуметтік көмек түріндегі бастапқы жарна сомасының 90% мөлшерінде;
2) Қазақстан Республикасының Ұлттық банкі бекіткен ипотекалық бағдарлама және (немесе) Қазақстан Республикасының Үкіметі бекіткен мемлекеттік тұрғын үй құрылысы бағдарламасы шеңберінде ипотекалық тұрғын үй қарыздарын пайдалана отырып, азаматтардың тұрғын үйді меншігіне алу үшін әлеуметтік көмек немесе әлеуметтік қолдау (ақылылық, қайтарымдылық, мерзімділік шарттарымен бюджеттік заңнама талаптарына сәйкес бюджеттік кредит түрінде) түріндегі бастапқы жарна сомасының 50% мөлшерінде айқындалады.
Тұрғын үй сертификатының сомасы әрбір алушы үшін 1 (бір)миллион теңгеге дейін бірыңғай мөлшерде айқындалады.
Сондай-ақ, сессияда «Облыстық мәслихаттың 2018 жылғы 22 ақпандағы №249 «Ақтөбе қаласында бюджеттік сала қызметкерлерін орналастыру үшін 70 пәтерлік шағын отбасылық жатақхананы коммуналдық меншікке беру» мемлекеттік-жекешелік әріптестік жобасы бойынша мемлекеттік міндеттеме қабылдау туралы» шешіміне өзгерістер енгізу туралы» энергетика және тұрғы үй - коммуналдық шаруашылық басқармасының басшысы А.М.Қайыр хабарлама жасады.
Сондай-ақ, депутаттар облыс әкімдігімен бірлесіп Қазақстан Республикасы Үкіметінің жанындағы Республикалық ономастикалық комиссияға Ақтөбе қаласының коммуналдық мемлекеттік білім беру мекемелеріне атаулар беру туралы ұсыныстар енгізді. №41 мектеп-гимназия коммуналдық мемлекеттік мекемесіне Фариза Оңғарсынованың есімін беру туралы. №72 жалпы білім беретін IT мектеп-лицейіне коммуналдық мемлекеттік мекемесіне Әбіш Кекілбаев есімін беру туралы.
Атау беру туралы түпкілікті шешімді Қазақстан Республикасының Үкіметі Республикалық ономастикалық комиссияның ұсынысына сай қабылдайды.
Сондай-ақ сессияда депутаттар Ақтөбе облысы бойынша Тексеру комиссиясының мүшесі болып Г.К.Сатенованы тағайындады.
Сондай - ақ, сессияда №18 Ключевой сайлау округінен депутат Н.Ш.Сагналиннің және №26 Темір сайлау округінен депутат С.Е.Айтбаеваның депутаттық сауалдары жария етілді.
Облыстық мәслихаттың кезектен тыс қырық алтыншы сессиясында депутаттар 11 мәселені қарады, барлық қаралған мәселелер бойынша депутаттар тиісті шешімдер қабылдады.