berkimbaev
Беркімбаев Бөріхан Сматуллаұлы
№23 Қандыағаш сайлау округі

Беркімбаев Бөріхан Сматуллаұлы 1964 жылы 12 - ақпанда Ақтөбе облысы Новоресей ауданында дүниеге келген. 1981 жылы Комсомолдың 30-жылдығы атындағы орта мектепті бітіргеннен кейін, Алматы көлік инженерлері институтына түсіп, 1986 жылы бітірді. 1986-1988 жылдары Отан алдындағы борышын өтеді.
Еңбек жолын 1988 жылы Ақтөбе стансасында поезд құрастырушысы қызметінен бастап, 1988-1998 жылдары осы стансаның дөңес кезекшісі, станса бастығының поездар қозғалысы қауіпсіздігі жөніндегі көмекшісі, Ақтөбе стансасы бастығының шұғыл жұмыс жөніндегі орынбасары, жүк және коммерциялық жұмыс жөніндегі орынбасары қызметтерін атқарды.
1998 жылы «Желдорэкспедиция» мемлекеттік еншілес кәсіпорны мекемесінің бас инженері, 1999 жылы - Ақтөбе тасымалдау бөлімшесінің бас инженері қызметтерінде болды. 2000 жылы Жүк және коммерциялық жұмыс басқармасының Атырау аймақтық өкілдігінің бастығы, Атырау тасымалдау бөлімшесі директорының бірінші орынбасары қызметтерін атқарды. 2000-2005 жылдар аралығында Ақтөбе тасымалдау бөлімшесінің директоры қызметінде болды. 2005 жылдан бастап «Қазақстан темір жолы» Ұлттық компаниясы» акционерлік қоғамы-«Атырау жол бөлімшесі» филиалының директоры қызметін атқарды. 2016 жылғы 1 шілдеден «ҚТЖ-Жүк тасымалы» акционерлік қоғамы»-«ГП Атырау бөлімшесі» филиалының директоры қызметін атқарды. 2018 жылғы 10 қаңтардан «ҚТЖ-Жүк тасымалы» акционерлік қоғамы»-«ГП Ақтөбе бөлімшесі» филиалының директоры қызметін атқаруда.
2009 жылдан бастап «Қазақстанның шайбалы хоккей федерациясы» Республикалық қоғамдық бірлестігі Атырау облыстық филиалының директоры қызметін қосымша атқарды. Осы уақыт ішінде 2009 жылы құрылған Атырау қаласының «Бейбарыс» хоккей командасы дұрыс жолға қойылған нәтижелі жұмыс арқасында алғашқы жылы ерлер арасындағы шайбалы хоккейден Ел чемпионатының күміс жүлдегері атанды. 2010, 2011 және 2015 жылдары Ел чемпионатының алтын жүлдесін жеңіп алды.
2003 жылдан 2005 жылға дейін Ақтөбе облыстық мәслихатының III- шақырылымының депутаты болып сайланды. 2007 жылдан 2018 жылғы қаңтар айына дейін Атырау облыстық мәслихатының депутаты болды. 2018 жылғы қараша айында Ақтөбе облыстық мәслихатыныңVI- шақырылымыныңдепутаты болып сайланды.
Бөріхан Сматуллаұлы «Құрметті теміржолшы» белгісінің иегері.
2001 жылы «Республиканың тәуелсіздігіне – 10 жыл», 2004 жылы «Қазақстан темір жолына -100 жыл» мерекелік медалдарымен марапатталды. 2005 жылы «Адал еңбегі үшін» төсбелгісімен марапатталды, 2007, 2011 және 2015 жылдары Елбасының «Құрмет грамотасымен» марапатталды, 2013 жылы Тәуелсіздік мерекесіне орай «Құрмет» орденімен, 2014 жылы «Қазақстан темір жолына -110 жыл», 2015 жылы «Қазақстан мәслихатына -20 жыл» мерекелік медалдарымен марапатталды.
2013 жылдан бастап Мақат ауданыныңҚұрметті азаматы болып саналады.
Отбасылы, екі бала, екі немере тәрбиелеуде.

Оқиғалар күнтізбесі

<< < Ақпан 2017 > >>
Дс Сс Ср Бс Жм Сб Жс
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28