Мәслихаттың 2018 жылға жұмыс жоспары

Ақтөбе облыстық мәслихатының

Ш Е Ш І М І

 

Ақтөбе қаласы                             №232       2017 жылғы 08 желтоқсан

Ақтөбе облыстық мәслихатының 2018 жылға арналған жұмыс жоспары туралы

«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы                     23 қаңтардағы №148 Заңының 6-бабына сәйкес Ақтөбе облыстық мәслихаты ШЕШІМ ҚАБЫЛДАДЫ:

 

1. Қоса беріліп отырған Ақтөбе облыстық мәслихатының                   2018 жылға арналған жұмыс жоспары бекітілсін.

            2. Осы шешім қол қойылған күнінен бастап қолданысқа енгізіледі.

Облыстық мәслихаттың                                 Облыстық                      

         сессия төрағасы                           мәслихаттың хатшысы

 

 

 

                     Г. ЕРҒАЗИНА                             С. ҚАЛДЫҒҰЛОВА

2017 жылғы 08 желтоқсандағы №232

облыстық мәслихаттың шешімімен

бекітілген

Ақтөбе облыстық мәслихатының 2018 жылға арналған

Ж Ұ М Ы С   Ж О С П А Р Ы

Ақтөбе облыстық мәслихаты өз қызметін Қазақстан Республикасының Конституциясына, «Қазақстан Республикасындағы жергілікті мемлекеттік басқару және өзін-өзі басқару туралы» Заңына және өкілді органдардың жұмысын регламенттейтін басқа да заңнамалық актілерге сәйкес жүзеге асырады.

Мәслихаттың негізгі міндеттері тұрғындардың еркін білдіру, оны іске асыру үшін шараларды белгілеу, олардың жүзеге асырылуын бақылау, азаматтардың құқықтары мен заңды мүдделерін қамтамасыз ету болып табылады.

Атқарушы органдармен, барлық меншік үлгісіндегі шаруашылық субъектілерімен, қоғамдық ұйымдармен өзара келісілген іс-әрекеттерді негізге ала отыра, Ақтөбе облыстық мәслихаты өз қызметін мынадай шараларды орындауға бағыттайды:

- облыстың әлеуметтік-экономикалық даму деңгейін одан әрі көтеруге, тұрғындарды жұмыспен қамтамасыз етуге, өндіріске аса тиімді иннофациялық технологияларды енгізуге, шағын және орта бизнесті, жалпы, кәсіпкерлікті қолдауға және дамытуға;  

            - Қазақстан Республикасы Конституциясының, мемлекеттік органдардың нормативтік құқықтық актілерінің нормаларын азаматтар мен ұйымдардың орындауына ықпал етуге;

- облыстық мәслихаттың депутаттарының, тұрақты комиссияларының, аппаратының нормашығармашылық жұмыстарының нәтижелілігін арттыруға, мәслихаттың күнделікті қызметінде демократиялық қағидаттарды сақтауға;

- облыстық бюджеттің қалыптасуы мен атқарылуына, бюджет қаражатының мақсатты пайдаланылуына бақылауды жүзеге асыруға;

            - тұрғындарды қолдау және қорғау бойынша бағдарламаларды жүзеге асыруға;

            - облыста заңдылықты және қоғамдық тәртіпті нығайтуға, өңір тұрғындарының құқықтары мен заңды мүдделерін қорғауды қамтамасыз етуге;

            - қоршаған ортаны қорғау және сауықтыру және табиғи қорларды тиімді пайдалану жөніндегі бағдарламаларды іске асыруға.

            2018 жылға белгіленген шараларды жүзеге асыру үшін мынадай мәселелерді қарау жоспарланады:

І. Облыстық мәслихаттың сессияларында қаралатын мәселелер

 

І тоқсан

1. Ақтөбе облысының ішкі істер органдарының жергілікті полиция қызметі басшысының есебі және 2017 жылға оның қызметін бағалау.

2. Жаңа форматтағы атаулы әлеуметтік көмекті енгізу және өзін-өзі жұмыспен қамтығандарды нысандандыру бойынша шаралар туралы.

3. Атқарылған жұмыстар туралы Ақтөбе облыстық мәслихаты хатшысының есебі туралы.

 

ІІ тоқсан

            1. Облыстың әлеуметтік-экономикалық даму болжамында қабылданған, салық-бюджеттік саясаттың негізгі бағыттарын жүзеге асыру және 2017 жылғы облыстық бюджеттің атқарылуы туралы есеп.

            1.1. 2017 жылғы облыстық бюджеттің атқарылуын бақылау қорытындылары туралы Тексеру комиссиясының баяндамасы туралы.

            2. Қазақстан Республикасының агроөнеркәсіптік кешенін дамытудың 2017-2021 жылдарға арналған мемлекеттік бағдарламасының іске асырылу барысы туралы.

ІІІ тоқсан

                       

1. Өзіне жүктелген  функциялар мен міндеттердің орындалуы туралы облыс әкімі Б.М.Сапарбаевтың есебі туралы.

            2. Ақтөбе облысында құқық бұзушылықтың алдын алу және қылмысқа қарсы күрестің жай-күйі және одан әрі күшейту бойынша шаралар туралы.

           

ІV тоқсан

1. 2019-2021 жылдарға арналған облыстық бюджет туралы.

2. Қазақстан Республикасын индустриялық-инновациялық дамытудың 2015-2019 жылдарға арналған бағдарламаның іске асырылу және Ақтөбе облысына инвестициялар тарту стратегиясының қалыптастырылу барысы туралы.

3. Облыстық мәслихаттың депутаттық өкілеттіктер мен этика, заңдылық,  құқық тәртібі мәселелері және жұртшылықпен жұмыс жөніндегі тұрақты комиссиясының есебі.

4. Облыстық мәслихаттың бюджет, экономика, өнеркәсіп және кәсіпкерлік жөніндегі тұрақты комиссиясының есебі.

5. Облыстық мәслихаттың әлеуметтік-мәдени даму жөніндегі тұрақты комиссиясының есебі.

6. Облыстық мәслихаттың аграрлық мәселелер, экология және табиғатты пайдалану жөніндегі тұрақты комиссиясының есебі.

7. Облыстық мәслихаттың құрылыс, көлік, сауда және тұрғын үй-коммуналдық шаруашылық мәселелері жөніндегі тұрақты комиссиясының есебі.

Сессияларда айтылған ескертулер мен ұсыныстарды, бұрын қабылданған шешімдердің орындалу барысы туралы ақпараттарды сессияның қарауына үнемі енгізу.

Тұрақты комиссиялардың есептерін, депутаттық сауалдарды және жергілікті өкілді органдардың құзыретіне жататын басқа да мәселелерді сессияларда қарау.

ІІ. Облыстық мәслихаттың тұрақты комиссияларының отырыстарында қаралатын мәселелер

1. Депутаттық өкілеттіктер мен этика, заңдылық,  

құқық тәртібі мәселелері және жұртшылықпен жұмысжөніндегі

тұрақты комиссия:

I тоқсан

 

1. Ақтөбе облысының ішкі істер органдарының жергілікті полиция қызметі басшысының есебі және 2017 жылға оның қызметін бағалау.

II тоқсан

1. Қызметкерлердің еңбек құқықтарын қорғау бойынша шараларды іске асыру туралы.

2. Мемлекет пен үкіметтік емес ұйымдардың арасындағы өзара                                іс-қимылдардың негізгі бағыттары туралы.

III тоқсан

            1. Ақтөбе облысында құқық бұзушылықтың алдын алу және қылмысқа қарсы күрестің жай-күйі және одан әрі күшейту бойынша шаралар туралы.

            2. «Сыбайлас жемқорлыққа қарсы іс-қимыл туралы» Қазақстан Республикасы Заңының мемлекеттік органдармен орындалу барысы туралы.

IV тоқсан

1. 2019-2021 жылдарға арналған облыстық бюджет туралы.

2. Жеке және заңды тұлғаларға мемлекеттік қызмет көрсету бойынша «Азаматтарға арналған үкімет» мемлекеттік корпорациясы» коммерциялық емес акционерлік қоғамының жұмысы туралы (көшпелі отырыс).

3. Облыстық мәслихаттың депутаттық өкілеттіктер мен этика, заңдылық,  құқық тәртібі мәселелері және жұртшылықпен жұмыс жөніндегі тұрақты комиссиясының есебі.

2. Бюджет, экономика, өнеркәсіп және кәсіпкерлік жөніндегі

тұрақты комиссия:

I тоқсан

 

1. «Ақтөбе» ӘКК» ҰК» АҚ-ның 2017 жылы атқарған жұмыстары туралы.

2. «Бизнестің жол картасы-2020» бизнесті қолдау мен дамытудың бірыңғай бағдарламасының іске асырылу барысы туралы.

II тоқсан

 

           1. Облыс әкімдігінің 2017 жылғы облыстық бюджеттің атқарылуы туралы есебі.

           2. Ақтөбе облысы бойынша тексеру комиссиясының 2017 жылғы облыстық бюджеттің атқарылуын бақылау қорытындылары туралы есебі.

            3. Облысты дамыту бағдарламаларының мақсатты индикаторларына қол жеткізу және бюджеттік бағдарламаларды іске асыру туралы бюджеттік бағдарламалар әкімшілері басшыларының есептері туралы.

            4. Ақтөбе қаласының бекітілген Бас жоспарына сәйкес облыс орталығының және Ақтөбе агломерациясының даму келешегі туралы.

 

III тоқсан

 

1. Ақтөбе облысында жергілікті мемлекеттік-жекешелік әріптестік жобаларының іске асырылу барысы туралы жергілікті атқарушы органдардың есебі (көшпелі отырыс).

2. Облыстың аудандарында жаппай кәсіпкерлікті дамыту және іскерлік белсенділікті жақсарту бойынша шаралар туралы.

 

IV тоқсан

 

  1.    2019-2021 жылдарға арналған облыстық бюджет туралы.

            2. Қазақстан Республикасын индустриялық-инновациялық дамытудың 2015-2019 жылдарға арналған бағдарламаның іске асырылу және Ақтөбе облысына инвестициялар тарту стратегиясының қалыптастырылу барысы туралы.

            3. Облыстық мәслихаттың бюджет, экономика, өнеркәсіп және кәсіпкерлік жөніндегі тұрақты комиссиясының есебі.

 

Облыс бюджетің нақтылау, оның орындалуы мәселелерін қажеттілігі бойынша қарау.

Жергілікті бюджеттің орындалуы туралы облыс бойынша тексеру комиссиясының есептерін отырыстарда тоқсан сайын тыңдау.

3. Әлеуметтік-мәдени даму жөніндегі тұрақты комиссия:

І тоқсан

 

1. Жаңа форматтағы атаулы әлеуметтік көмекті енгізу және өзін-өзі жұмыспен қамтығандарды нысандандыру бойынша шаралар туралы.

2. Тұрғындарды дене шынықтырумен айналысуға тарту және спорттық инфрақұрылымдарды дамыту бойынша жұмыстардың барысы туралы.

ІІ тоқсан

           

            1. Кәсіптік білімі бар мамандарды даярлау бойынша жергілікті атқарушы органдармен атқарылған жұмыстар туралы (көшпелі отырыс).

2. Ақтөбе облысында жастар саясатын іске асыру бойынша шаралар туралы.

3. Жазғы демалыс кезеңінде балалардың сауықтыру демалысын, бос уақытын және жұмыспен қамтылуын ұйымдастыру туралы.

ІІІ тоқсан

 

1. Амбулаториялық деңгейде дәрі-дәрмектермен қамтамасыз ету бойынша қабылданып отырған шаралар туралы.

2. «Мәдени мұра» ұлттық жоба шеңберінде «Рухани жаңғыру» бағдарламасының «Қазақстанның киелі жерлерінің географиясы» кіші бағдарламасын орындау бойынша жүргізілген жұмыстар туралы.

3. Ақтөбе облысындағы паллиативтік көмектің жағдайы және оның даму келешегі.

ІV тоқсан

 

1. 2019-2021 жылдарға арналған облыстық бюджет туралы.

2. Денсаулық сақтау, білім беру және әлеуметтік еңбек саласындағы цифрландыру туралы.

3. Облыстық мәслихаттың әлеуметтік-мәдени даму жөніндегі тұрақты комиссиясының есебі.

4. Аграрлық мәселелер, экология және табиғатты пайдалану

жөніндегі тұрақты комиссия

I тоқсан

 

1. Әлеуметтік-маңызды азық-түлік тауарларына бағаның өсуіне жол бермеу бойынша шаралар туралы.

2. Ақтөбе облысында ветеринариялық бақылауды және қадағалауды жүзеге асыру бойынша мемлекеттік органдардың жұмыстары туралы.

II тоқсан

1. Қазақстан Республикасының агроөнеркәсіптік кешенін дамытудың 2017-2021 жылдарға арналған мемлекеттік бағдарламасының іске асырылу барысы туралы.

           

III тоқсан

            1. Облыс орталығындағы қоршаған ортаның жай-күйі және қауіпсіздігінің сақтау бойынша шаралар туралы.

            2. Өсімдік шаруашылығы өнімдерінің шығымдылығы мен сапасын арттыруды субсидиялау және асыл тұқымды мал шаруашылығын дамыту, өнімділігін және сапасын арттыру бойынша жергілікті атқарушы органдардың атқарған жұмыстары туралы.

IV тоқсан

 

1. 2019-2021 жылдарға арналған облыстық бюджет туралы.

            2. Облыстық мәслихаттың аграрлық мәселелер, экология және табиғатты пайдалану жөніндегі тұрақты комиссиясының есебі.

5. Құрылыс, көлік, сауда және тұрғын үй-коммуналдық шаруашылық мәселелері жөніндегі тұрақты комиссия:

I тоқсан

1. Ақтөбе қаласында тұрғын үй-коммуналдық шаруашылығын дамыту және жаңғыртудың өзекті мәселелері, ескі және апаттық жағдайдағы үйлерді жою туралы.

2. Жергілікті бюджет қаражаты есебінен тұрғызылған газ тарату желілерін пайдалану туралы.

 

II тоқсан

 

1. Ақтөбе қаласындағы автомобиль жолдары, суағарлар мен нөсерлік кәріздердің жағдайы және жөндеу мен күтіп-ұстау бойынша шаралар туралы (көшпелі отырыс).

2. «Ақылды қала» - Smart City» жобасының облыс орталығында іске асырылу барысы туралы.

III тоқсан

 

1. Ақтөбе облысында көлік инфрақұрылымының даму жағдай туралы.

2. Облыстық мәслихаттың 2015 жылғы 11 желтоқсандағы №349 шешімімен бекітілген, Ақтөбе облысының қалалары мен елді мекендерінің аумақтарын абаттандыру және көгалдандыру Қағидаларының орындалу барысы туралы (көшпелі отырыс).

3. «Нұрлы жол» инфрақұрылымды дамытудың 2015-2019 жылдарға арналған мемлекеттік бағдарламаның іске асырылу барысы туралы (көшпелі отырыс).

 

IV тоқсан

           1. 2019-2021 жылдарға арналған облыстық бюджет туралы.

            2. Табиғи монополия субъектілерінің көрсетілетін қызметтеріне (тауарларына, жұмыстарына) тарифтерді (бағаларды, алымдар ставкаларын) реттеу бойынша табиғи монополияларды реттеу және бәсекелестікті қорғау комитетінің Ақтөбе облысы бойынша Департаментінің қызметі туралы.

            3. Облыстық мәслихаттың құрылыс, көлік, сауда және тұрғын үй-коммуналдық шаруашылық мәселелері жөніндегі тұрақты комиссиясының есебі.

III. Көпшіліктік тыңдаулар

Өте қажетті және қоғамдық маңызды мәселелерді талқылау мақсатында атқарушы органдардың, қоғамдық бірлестіктердің, бұқаралық ақпарат құралдарының, азаматтардың қатысуымен тұрақты комиссиялардың кеңейтілген отырыстары түрінде көпшіліктік тыңдаулар өткізу:

Нәтижелі жұмыспен қамтуды және жаппай кәсіпкерлікті дамыту бағдарламасын және тұрғындарды жұмыспен қамтуға жәрдемдесудің кешенді жоспарын іске асыру туралы.

IV. Депутаттарды құқықтық оқыту

Депутаттардың құқықтық білім деңгейлерін көтеру мақсатында жүйелі түрде Қазақстан Республикасының нормативтік құқықтық актілерін зерделеу бойынша құқықтық оқулар, білікті мамандардың қатысуымен семинар-жиналыстар өткізу:

1 жартыжылдықта

            1. Салық заңнамасының мәселелерін реттейтін Қазақстан Республикасының қолданыстағы заңнамаларын түсіндіру.

2 жартыжылдықта

            2. Қазақстан Республикасында білім беруді және ғылымды дамытудың 2016–2019 жылдарға арналған мемлекеттік бағдарламаның іске асырылу барысы туралы.

V. «Депутаттық күндер»

            Облыстың экономикалық және әлеуметтік даму бағдарламаларының, жоспарлардың іске асырылу барысы туралы басқарма басшыларының есептерімен «Депутаттық күндер» өткізу:

1 жартыжылдықта

1. Қазақстан Республикасының дін саласындағы мемлекеттік саясатының 2017–2020 жылдарға арналған тұжырымдамасы туралы.

2 жартыжылдықта

2. Мүгедектердің құқықтары туралы Конвенцияның іске асырылу барысы туралы.

VI. Ұйымдастыру шаралары

           

Депутаттар сайлаушылармен тұрақты байланыста болады, оларды облыстық мәслихаттың жұмыстары туралы ұдайы хабардар етеді, қоғамдық пікірді зерделеп және атқарушы органдарға мәселелер мен ұсыныстарды енгізеді. Бекітілген кесте бойынша азаматтарды қабылдайды.

Мәслихат аппараты бұқаралық ақпарат құралдарында және веб-сайтта облыстық мәслихаттың, депутаттардың қызметтері, өткізілген шаралар мен тұрақты комиссиялардың отырыстары туралы ақпараттарды ұдайы жариялайды.

            Бұл мақсатта депутаттардың жұмыстарында бұқаралық ақпарат құралдарының мүмкіншіліктерін белсенді пайдалану қажет. «Ақтөбе» және «Актюбинский вестник» газеттерінің редакцияларымен бірге «Депутаттық парақ» айдарының шығарылымы ұдайы ұйымдастырылады.